Запрашаем на выставу "АКТЫЎНА.ЭКАЛАГІЧНА.ФАТАГРАФІЧНА", адкрыццё якой адбудзецца 22 студзеня (чацьвер) а 19-й гадзіне ў бібліятэцы імя Янкі Купалы (В.Харужай,16).
Фотавыстава складаецца з дзьвюх частак:
1) вынік міжнароднага праэкта "ЭкаФота", што прайшоў летась у Арменіі і
2) фота-прэзентацыя "Майстэрні грамадзянскай актыўнасці.
*****************************************************
З чаго пачынаюцца змены? Што можна лічыць пазітыўнай зменай? І хто вырашае, што пазітыўна, а што негатыўна для супольнасці, у якой я жыву? Як мы сваімі дзеяннямі ўплываем на навакольнае асяроддзе, на прыроду, на экалогію? Ці мае сэнс абмяжоўваць свае патрэбы? І колькі наогул яшчэ пратрымаецца гэты свет?..
Такія пытанні задавалі сабе маладыя людзі з розных краінаў, якія ў 2014 годзе бралі ўдзел у міжнароднай адукацыйнай моладзевай праграме «Майстэрня грамадзянскай актыўнасці» (Беларусь, Украіна, Польшча)і міжнародным адукацыйным арт-праеце «ЭкаФота» (Беларусь, Арменія, Чэхія, Англія, Італія, Грузія, Вугоршчына).
Выстава «Актыўна.Экалагічна.Фатаграфічна» гэта гісторыі поспеху, гісторыі пра першыя міні-праекты ўдзельнікаў «Майстэрні» і захапляльныя моманты размоваў з прыродай ўдзельнікаў арт-праекта «ЭкаФота».
Праз фотаздымкі маладыя людзі з розных краінаў дзеляцца сваімі ўласнымі перажываннямі,як праз невялікія ініцыятывы разам з сябрамі і аднадумцамі можна павысіць якасць жыцця ў сваім асяродку, а таксама экалагічна свядома ўладкаваць сваё паўсядзённае жыццё.
*****************************************************
